Goian jarritako bideoa Iñaki Perurenari eginiko elkarrizketa da. Hala ere, elkarrizketa denik ez da esan behar. Izan ere, harrijasotzaileak bakarrik hitz egiten duela esan daiteke, kazetari izenaz definitzen den pertsonari etengabe moztuz.
Eztabaida moduko bat sortzen da bien artean, elkarrizketatua Nafarroan bizi den arren euskaldun sentitzen delako esaten baitu, elkarrizketatzailearen galderari erantzunez. Horrela, Perurenak historia klase batzuk ematen dizkio "kazetariari". Harrijasotzaileak argudio sendoak ematen hasten da, esanez denbora batean euskalduna izatea nafarra izatea zela Nafarroako erreinua zegoenean.
Ondoren, elkarrizketatzaileak Perurenak arestian esandakoan nahi duena ulertzen du. Horregatik, harrijasotzailea haserretzen hasten da, eta barregarri uzten du elkarrizketatzailea, gure herriaren historia ez baitaki. Lotsagarria da benetan!
Denbora aurrera joan ahala, testuinguruarekin bat ez datorren gai bat ateratzen du elkarrizketatzaileak: Euskal Selekzioa edo Euskal Herriko Selekzioa gaiari buruzkoa. Honi buruz galdetu egiten dio, esaten diolako Perurenari pertsona azkar bat dela, eta beste behin, Perurenak lotsagarri uzten du Manu delakoa, aipatuz ea pertsona azkarra den aurreko historiari buruz jakinmina izateagatik. Hori dela eta, elkarrizketatzaileak ez du hitzik egiten, ez dakielako zer erantzun horri.
No hay comentarios:
Publicar un comentario